آول هـدايا التخرج

أقرب الناس مني ..يا نظر عيني ..

..

.                        

.

أول هدايا التخرج ..جاتني من أقرب الأشخاص و أكثرهم بعداً ..

أتاني كفجأة الفرح ..حين يختال على وجوه الأحبه ..من بعيد قادم ..يحمل زهور الأمل ..مكتضه بذكريات الطفوله.

.

أخويا أحمد ..الأنسان اللي كان يقاسمني كل لحظات حياتي ..طفولتي و مراهقتي و شبابي ..كنا دايماً مع بعض ..نتعاند و نتهاوش و نتسامح و نتراضى ..لكل واحد فينا يحمل نفس الصفات من الثاني عدا ملامحنا اللي كانت تنفي أننا أخوان ..

{..أجمل شيء كان فيه عناده ,إصراره ,قوته و عنفوانه ,غيرته ,و حنانه لمن يجي يراضيني بعد ما أزعل منه  ..!!

كنت و مازلت أفتخر فيه لأن مافي أحد مثله بشهادة الكل ..

أفتقدته لسفره ..تقريباً أكثر من 10 شهور ما أشوفه ..إلا بالأتصال المرئي و الصور ..كان الموضوع مره صعب عليا خصوصاً أني ما أحس بعمري ولا لحظاته من دونه .. و أفتقدته أكثر لمن جات لحظة تخرجي من الجامعه من دون ما يكون معاي جنبي و انا أقطع الكيكه..

كان نفسي لحظات عمري توقف و ما تكتمل إلا برجوعه ..

 

يوم الخميس اتصل عليا ..كالعاده ابتسمت و رديت ..سلام و عليكم.. كيفك طيبه .. مبروك التخرج (ابتسمت ) قلت له :لسع يوم السبت آخر يوم ..يعني لسع ما تخرجت ..قال لي عموماً مبروك التخرج ..قلت له: الله يبارك فيك وعقبال ما تتخرج و نزوجك ..قال لي: ترى على فكره هديتك في الطريق ..

< —

كيف.. ايش هيه.. و مين جايبها.. قول ؟!!

-         لا خليها مفاجأه ..

-         بالله عليك قول..

-         اللي نفسك فيه أنا جبته لك ..أنتي نفسك في أيش ؟

-         قلت كل شيء انتا تجيبه نفسي فيه و أي شيء بس قول ايش هيه الهديه ؟!!

-         خلاص خليها مفاجأه ..يلا شوفي صوري أرسلتها لخالد أخويا و قولي رأيك ..مع السلامه ؟

 

<– طولت عليكم بالكلام صح خخخخـ

 

المهم جلست أشوف صوره..يختي عليه دنجوان زمانه ..حلو بس ما يشبهني ربع ساعه ورجع اتصل كنت جالسه بالدكه قال لي يلا عدي لمن عشرين و توصلك الهديه

طبعاً أنا ما صدقت قعدت أعد 123بسرعه قال لي لا بشويش يلا عدي معي 1..2…3….4…..5….6 لمن وصلنا 15 قلت له أمي وصلت (طبعاً  الهديه كانت معي أمي ) يلا نعد بسرعه 16.17.20 و هوب نطيت على الهديه و أنا أصرخ خخخخخـ كنت بس بأعيش أحمد صوتياً فرحي بهديته ..

طبعاً كان معي على الخط و أنا أفتح الهديه ..كانت هديته جوال سوني اركسون المطلي بالذهب ..كنت مخططه أشتريه بس كويس جاني هديه خخخخـ

 

 

 

اضغط على الصوره لمشاهدتها بحجمها الطبيعي

 

بصراحه أجمل لحظاتي حياتي ..يمكن لأن كل شيء جا مفاجأه ..أو أمكن لأنها جاءت من أكثر الأشخاص اللي كنت مفتقدتهم ..و أبعدهم مسافه عني ..بس طلع أكثر واحد عايش معي نفس اللحظات ..اللي أنا مفتقدتهـ فيها ..

أبويا..أمي ..أحمد ..

أحــــبــــكــــمــ

ملاحظة : كتبت التدوينه من زمان بس نسيت أنشرها خخ